Kategori: Ikke kategoriseret

Sonnu Bíbliuna vil eg elska og verja


…….
Mynd: Eitt nýggjatestamenti, sum lá á eini trappu í manntómum húsum í Vestmanna, tá ið eg gekk har í 2018; og sum hevði ligið har síðan 2012.
Hvør sanna Bíblian er?
Hon er AV1611, FKJ.

Sáttmálabrótarin eigur allan blettin


…….
Umberingin er bert éin, undantakið bert éitt, minst til tað.

Tilognað øllum betonghøvdunum í Heimamissiónini, sum enn eru forgandaðir av “prestum”, sum ikki eru innsettir av Christi, men ein leivd av kirkju anti-christs, tilsamans við “sacramentum” og “kristnari jørð” v.m.

Eingin nevndur, eingin gloymdur. Eg kundi nevnt nakrar, men so hevði eg gjørt so mongum órætt, so eg velji heldur ongan at nevna. Má Harrin Jesus smyrja salvu á eygu tykkar alra, so hvørt sum tit eisini innsíggja, hvør Bíblia er hin sanna. Um ikki, so er eingin vón.

P.S. Sáttmálabrótarin er ikki endiliga tann sum rýmdi, men tann sum var fyrri á at fáa sær annan bólfelaga, vígslubræv ella ei. Tann er bæði siðloysingurin og sáttmálabrótarin. Hin er aldeilis sakleysur. Óansæð. Ja, má Guð loksins skeinkja tær og tykkum vit í hesum álvarsmáli, til gagns og gleði fyri mangan útstoyttan, sviknan, og av landi rýmdan.

Fylg Christi og tilbið hann, fylg ikki Hermesi og hans innskridnu uppblástu lærusveinum

Lærusveinar Hermesar sita í seminarium og meinigheitum og siga, at vit skulu viðgera skriftina eftir heimsins lærdómi og vitinskapi; men Guð biður okkum einfaldliga telja, við at leggja eitt afturat einum.

Ecclesiastes 7:27:
Sí, hetta havi eg funnið, sigur prædikarin, við at telja éitt eftir éinum, at finna útav úrslitinum:

Opinberingin 13:18:
Her er vísdómur. Lat hann, ið hevur skil, telja tal djórsins: tí at tað er talið hjá einum manni; og hansara tal er Seks hundrað og trísinstjúgu og seks.

– At telja dugir hvørt mansbarn. Vitinskapur er ein blekking, ein hvørvisjón hjá jesuitunum, sum teir stýra í sínum lærubókum og lexikonum. Vit hava nokk við Guðs Bók, AV1611.

Hermeneutikkur er skilgreinaður sum: Kunsturin og vitinskapurin av at tulka Bíbliuna.
– Tað sigur okkum Bíbliutrúgvandi nokk til at vita, at hasum skulu vit ikki geva gætur eftir. Teir tulka ikki Bíbliuna við Bíbliuni sjálvari, men við fólkalívsfrøði og náttúruvísindum osv. Vit verða lærd av Halga Andanum, við at samanbera skrift við skrift.

Lærusveinar Hermesar eru lærusveinar høggormsins, og spjótið, teir bera í hond, er fyrsta sniðfundiga lygnin hjá faðir lygnarinnar: Ja, hevur Guð nú sagt (Gen. 3:1).

Jú, hann hevur, og vit hava Bókina. Og teir fáa aldri koppað sannleikanum. Hann stendur um ævir.

Konto nr. 6460 0003981462
Vevstjóri
×