23 Og tá ið teir høvdu útnevnt
honum ein dag, komu tað mangir
til hansara inn í herbergi hansara;
fyri hvørjum hann útlegði og vitnaði
kongadømi Guðs, sannførandi
teir viðvíkjandi Jesusi, bæði út
frá Móselógini, og út frá prophetunum,
frá morgni til kvølds.
24 Og summir trúðu teimum
lutunum sum vórðu talaðir, og
summir trúðu ikki.
25 Og tá ið teir samdust ikki sín
ámillum, fóru teir avstað, eftir at
Paulus hevði talað eitt orð, Væl
talaði Heilagi Andin við E-sai´-
as-i propheti til fedra vára,
26 Sigandi, Gakk til hesa fólks,
og sig, Hoyrandi tit skulu hoyra,
og skulu ikki skilja; og síggjandi
tit skulu síggja, og ikki fata:
27 Tí hjartað á hesum fólki er
vaksið dølskt, og oyru teirra eru
dul at hoyra, og eygu síni hava
tey latið aftur; at ikki tey skuldu
síggja við eygum sínum, og hoyra
við oyrum sínum, og skilja við
hjarta sínum, og skuldu verða
umvend, og eg skuldi grøða tey.
28 Veri tað kunnugt tykkum
tessvegna, at frelsa Guðs er send
Heidningunum, og at teir vilja
hoyra hana.
29 Og tá ið hann hevði sagt hesi
orðini, fóru Jødarnir avstað, og
høvdu mikla umráðing sín ámillum.
30 Og Paulus dvaldist tvey samfull
ár í sínum egna leigaða húsi,
og tók ímóti øllum sum komu inn
til hansara,
31 Prædikandi kongadømi Guðs,
og frálærandi teir lutir sum viðvíkja
Harranum Jesusi Christi,
við øllum frímóði, eingin maður
sýtandi honum.
( Gern. Ap. 28:23-31 FKJ )
Men hetta játti eg tær, at
eftir tí veginum sum teir kalla
ranglæra, soleiðis tilbiði eg Guð
fedra mína, trúgvandi øllum lutum
sum eru skrivaðir í lógini og í
prophetunum:
