Bæði Dahlibux og Victorinox hava verið tvey útforhálað pávans prestasleikjandi skvatt.
Nú er nokk pontifexiskt forhexað rox.
Nú skulu vit reisa okkum, og standa á Guðs orði einans, og tveita frá okkum eina og hvørja kjøtliga høkju. Guðs orð er okkum nokk. Alt kjøtligt páfund er ikki frá ella av Guði, men kjøtligt; og spælir tað andligt, so er tað altso frá Satan; og tað er altso transsubstantiatión, Pávin, kardinalarnir, cato-luthersku biskuparnir, og allir teirra pestsligu “prestar”. Guð gav okkum hirðar. Satan gav tykkum prestar.
Vit rætt-trúgvandi tveita allar prestar út, uttan éin: Høvuðsprestin um ævir eftir Melchizedeks vísi.
Bollan bróta vit sjálvir, og blanda Ribena.
Og at doypa ein trúgvandi, ja, tað klára vit eisini, tí vit frelstu eru nevniliga —skal eg líka heilsa og siga — øll prestar hvør yvirfyri hvørjum.
